Arohtuhpa Lathli”

Bieta reipa deikua ruvei, hmota taopa deikua a ru kaw;

           Eima rah chhithatuhpazy sai su!

           India rah chho liata a chareipazy dua ta, a tlyhna su liata chareipazy sai eima cha. Anodeikua, a tly daihti liata eima biereipa nata Opposition daihti chho liata eima bietaipa zy deikua khei hawpa a tyuna Dyuchhai sapa eima tyuhnie nata deikua eima biereichiepa nata bie ama tai chiepazy dua kha meitha la a lie khai ha ty.

He hawta rah eima chhitha typa vata zawpi heta eima politicians thokhazy liata cha ngana nata hnabeiseina hneihlei vei ei. He vana heta, a tlyhna daihti lia chhao mopathlipa kha eima cha ty, zawpi sydie thei awpa ta cha, eima biereipa liata a dua ei sila, tao awpa eima tahpa tao lyma ei sila, Politics liata a ngiapazy heta buana eima ty tla nata pangiasa a chhi vei.

Tahma nota eima Rah chhithatuh -pazy ama sie da liata cha, haiphiapa ta, eima sie hapa ta a la, he he pathlei chyu ei su u.

 

Hara sipasapazy chata He rah lia su y vei tlyhma?

           BB.Pacho. Editor

Tahma khizawh a sosa via lyma ta, chysa khisa totu chhao a sosa vialymana nata a dokha chyu awpa ta, khopa eima cha khai, he vata thokhazy ta, political party lia a zawpangia lyma pata, ama khisa totu chhao pacha leipa ta, a nodeiokua sawkhana tlyhma biehneina tlyhma a ma vawtlo ha nata a reitheileipa nata reikheituh hneileipazy deikua chata cha, he rah liata su y leipa hawta eima dytha lyma ty.

Tahma nota Mara rah chho liata political party a siena da liata cha, chhokha hneihlupa nata a reikheituhpa a hneipazy ngala chata su yta, riethei viapa nata a reichho ngaleipazy chata deikua rah chhithatuhpazy ta eima pahno thlahpa chhao nata eima theithlah hapa chhaota pahnolei kha eima pacha ty. He hawpa he ma rah chhithatuh phapa nata rah hmapasiesa awpa eima politicians zy tao awpa a cha tly?

Eima rah chhithatuhpazy sai u a pacha pasia chyu tua ei su u. Nie awpa a hneileipa zy hmachha he mokholeipa ta, a laiphapa nata a hneipazy hmachha tlao eima pielao ngakaw aw tly? Chokhazo ru eima pachhosa tlamawh aw a vai via ei sila. Hara rietheipa nata baotuh hneileipazy he tlao bao ei sila, ama khopa nata angiahpazy pathla awpa tlao a chhua ei sila. Chokhazoh a lyna chhao a cha hra aw.

 ____________________________________________________________

Date, 4 Thlazoh,2009
PACHUTUHPAZY …
Pachutuhpa (Teacher) peimaw na he chyhsa to pahnopa acha.Tahno Chyhsa peimawhpa Officer, Politicians nata sopaliena liata hlao tlohpa zy raihria pachutuhpazy theila pasai ama cha.
Ama rai ama hria pha nata phaleipa liata Mararah he a pahnieh.Eima hneina zydua hryupata eima sawnah School la eima tuapa vaw pachutuhpa cha eita,ama rai hria heta eima khisana zydua chhao ahriapha.
Atahmahla khizaw khisa runa mata athaisopa ama chatohchahmyh ngana hryhri liata eima sawnah thaina lata ama kawchatoh hranawpa zydua he Pachutuhpa ku liata apahniepa acha.Eima sawnah khizaw ama kawhma nawpa zydua cha Pachutuhpa ta Class liata apachuna liata phie apahnieh.Mara Rah Primary nata Middle Pachutuhpazy ku liata Mara Rah apahnieh tana acha chuh.
He tluta rai peimawpa hriatuhpazy heta ama rai diathla ngasa pata ama hria ngathlapa ta a cha khiahta cha Abeipa pathi-ana chhao ama tyh cheingei thlyu aw!!!!!
_____________________________________________________________

Date 5.Thlazoh 2009
Hria hlula reih chy te.
He eima chareihna khizawh liana heta lotlahna raita y leina rah a chana haw hrana heta, tahma eima rah thyutliapazy chhao pi he hmo ei ma phu nata phulei pachana hneileipa ta hriapapuana sakha chhao y leipa ta, eima hmokhopazy deikua Va liata a bai thlah ha ty ta, a pei ngaita, Mobile zy he a hmanawhpa eima hneileipa nata hriapapuapa eima hneileipa ta no nata paw hriachie/ taochiepa liata khisahpa eima cha khiahta cha, keimo liata a tai ohna hnei via ei sila a pha via.
A mona rakho tawta no nata paw hriachiepa liata O chho ryurei awpa eima chhua tyhpa thyutlia Satlia/ Laisa zy eima cha khiahta ta cha, nozah chhi kawpa a cha. No nata Pawzy chhao he hawpa chocha liata Saw nata Nawhzy moho/avao da he eima thai kaw awpa chhao a peimawh ngasa hra. A thaona liata No nata Pawzy maophaona na a cha tahpa he pahno chyu ei su u. Hriapapuana hneileipa ta ryurei a chhua kha ei su u.
___________________________________________________________

Rah kyhpachatupazy hluvia eita, zawpi ama riethei via lyma hra.

Tahma cha khizawh a sosa via lyma ta, kheihawpa hmo rai he a saipa ta hmo awpa chhao y thai khao hra vei. Phusa leipa ta, nie nata baw bu nata sai chhao rai chasala, hmo chyhpatah chhao he phusa a byupa vata zawpi ta tahma tawhta cha, eima rah politicians zy liata a pahniena laipi hnei awpa ta, politicians zy ta a ma paka tawta pachhao papua tyhpa vata, zawpi chhaota ngana nata hnabeiseina laipi a ma hnei hra.
He hawta zawpi ta hnabeiseina laipi a ma hnei hai nota eima rah politicians zy po via eita, rah chata thokha cha a tyhmahna rakha ta khisapa nata patyhpamah a chhuahpa hlupi eima y tyhpa ta a la.
Tahma nota eima politicians zy duahmo zawpi hmona lia deikua cha, Election daihti no ngala ta zawpi peimawhpa ta, election daihti a vawkho hapa tlyhma ryureihna dawka ama to/tyu ha nata deikua election no ta ama bie reipapuapa zy chhao thokha cha ama my pakhei khai ha ty, he hawta a bie lia ngala ta rah chhitha ta, zawpi siekhei eima chhuahpa ta a cha khiahta cha, keimo liata a thona nata hlaotlohna hnei thei bei aw mahpi tahpa he eima rah politicias zy ta pahno ei su u.