Awsicharu Daily News

Siaha District chho Chess Competition pathaopa a cha.

awsicharu — Sat, 11 Sep 2010 08:29:54 +0000

Nanoh chho ta hma awpa Siaha District chess Association cha E.M. Sports (MADC) Chess Trophy cha zahnia my daw 11:00am khata MADC Forest Hall liata pathaopa cha, zahnia pachyna kha Puhpa K.Beisa EM(Sport) ta a khawna Programme he a hlao/hma khei.

He Chess liata lyma a dao tuhpazy cha, 1st. N.Lalawempuia No-aotla – ii. 2nd Lalchhanhima N.Saiha ‘E’ 3rd Anthony Lalthasanga N.Saiha ‘W’

aw. Lyma he 1st.Prize- Trophy + Rs. 5000/-, 2nd Prize- Trophy + Rs. 3000/- 3rd. Prize- Rs. 2000/- hleikho ta Consolation Prize chyhsa 10 hnota piepa acha hei hra aw.

awsicharu — Sat, 11 Sep 2010 08:23:38 +0000

Missionary pathliehna

Puhpa Lalrinkhuma Nepal Missionary chata lapa cha zahnia khan New-colony a chhyna-O– liata pahliehna Programme hmapa chata, Rev.C.Beima Executive Secretary (Mission) ta a chhitha ta, Rev. Dr. M. Zakonia Moderator Elect ta, bietahna a rei khai tawhta Rev.Ch.Chhama Sr.Executive Secrertary ta Benediction hmapa ta daihti pachhapa a cha.

Chhyna-O– pahy aw

ECM Bethany Awnanopa chhyna-O– ama sa thiehpa cha myla khi pahypa a cha aw.He a chhyna –O– he Moderator ECM Assembly ta a pahy aw.

Siaha Dist. Sakhana

State Level PYKKA Sports Valley ball, chano ataopasuana liata Siaha District cha sakhana cha eita, Inrin noh khan Sports lata siepa zy siaha ama kawtlo

PACHUTUHPAZY NOH SIAHA LIA ROHNA KAWPA TA HMAPA A CHA

awsicharu — Sat, 11 Sep 2010 08:23:24 +0000

Siaha tari 7th Hriahei:- Zahnia kha School nano nanopa liata ama ryhpaona chyu hawta Teachers Day a rona kawpa ta a hma chyupa a chata, he liata khichhailai awpa chata, Official la tawta rao khaipa a cha.
Zahnia teachers day a hmana liata Puhpa Kunal IAS Siaha Deputy Commissioner cha, Don Bosco School lia a hma khei. Puhpa Thangchem Zathang Addl.DC Siaha chata Little Diamond School lia a hma khei ta, Puhpa Lalengmawia SDO (S) cha ECM School lia a hmakhei, Puhpa S,Vabeihasa I&PO MADC cha, Adventist English Academic liata ahma khei.Teachgers Day ama hmana he ahma khei pata pachutuhpa zy cha Sikul hawti zy chata amo patla cha awpa ta ama hro/y dah pha kawpa hnei awpa ta bie tana ahnei.Sikul hawti zy chhao ta ama Pachutuhpazy zahna cha pahno ta, pazy nata pa-oh na ky liata aso si ta, pathaina pacha peimawh ta, thaina hmeiseipa chhao pua thei awpa taita tiama kawpa ta ama chu pazy cha achu awpa ta bie tana ahnei hei hra.
He “Teachers Day” hmana pachhai padai pa heta, Middle School, High School, Higher Secondary School zy chata Dt.3.9.2010 khata DCs Conference Hall , Siaha liata “Painting Competition” hlao tlo kaw pata vaw hnei hapa chata,

Siaha Blood bank lia Siaha College Red Ribbon Club zyta thisai pie

awsicharu — Sat, 11 Sep 2010 08:17:07 +0000

Siaha tari 8th Pakhy:- Zahnia kha Siaha Civil Hospital lia chysa thisai a peimawhpazy ta hma awpa chata, Siaha College Red Ribbon Club zyta thisa unit 36 ama pie.

He thisai piena liana heta Chapaw 20 nata chano 16 zyta thisai he piepa a cha. Siaha Blood bank hnei tawhna heta, NGO’s 3 tawta thiasai he dao hapa hawta reipa chata, he zydua hlana he zahnia ta thisai ama piepa he a hlu chaipa hawta reipa nata record pa hawta a cha.

Amo kho kho ta ama piepa he phachai hlei vei.

awsicharu — Sat, 11 Sep 2010 08:12:13 +0000

Tahma no he Petrol Pump tao haipa chata, he chocha liata ama tao awpa a cha khiahta cha, reserve tank ama hnei awpa peimawhta, tahma reserve tank ama hneileipa vata, motor vehicle a hneipazy nata oil lachha ahmapa khaw a hneipazy buana ama taopa thlapa he a pei ngasa. He hawta a chapa vata petrol,Diesel, nata Meiti zy ama thata a sapa ta reipa chhao a cha. He hawta ama piepa he zawpi chata thata rairuna a taopa vata a chatliena lata patlo para theipa chasala kho a chhi kaw.

Tawta he hawta ma tao awpa ta a cha khaihta cha, zawpi la liata information zy tlyma pie tua lyma theipa chasala kho a chhita, ama khona daihti lia mata zawpi pahny pakhawpa ta ama piepa he pathlei ei sala tahpa chhao kho a chhi kaw.

He hawta a mokho kho ta phie tao vata tahma he Petro 1ltr ta tlaw 80/- ta chalei awpa ta maniah ama tao thlapa he zawpi khapa sawta reileipa chhao a lyu kaw. Chavata tahma tawta he hawpa he y khaoleipa sala kho a chhi hmeisei.

N O T I F I C A T I O N

awsicharu — Sat, 11 Sep 2010 08:10:10 +0000

NO.MADC.15/LAD/2009-2010

MRA AUTONOMOUS DISTRICT COUNCIL:SIAHA

LOCAL ADMINISTRATION DEPARTMENT

N O T I F I C A T I O N

Excutive Committee, Mara Autonomous District Council, Siaha bie hawhta, Mara Autonomous District Council Area chhoh liata Thosai Village Council Bey Election atlyna ky cha he ary liata palasapa hawhta taopa chata, adaihti taihpa hawhta hmo sie kheipa a cha aw tahpa eima pahnosa.

1.Publication of Draft E/Roll : 7.9.2010

2.Claim & Objection : 8-13.9.2010

3.Scrutiny of Claim & Objection : 14.9.2010

4.Publication of Final Roll : 15.9.2010

Draft E/Roll he Mara Autonomous District Council Election Rules 1991 Chapter-II Section 3(d) ta pasaina hawhta Last MDC E/Roll hma pata pachhuah panoh pa a cha.

Sd/- P.Sama

Election Officer

Mara Autonomous District Council,

Siaha.

No.MADC.15/LAD/2009-2010/ : Dated Siaha, the 7th.Sept.2010

Biethie lapakhypa

awsicharu — Sat, 11 Sep 2010 08:07:41 +0000

@ Zahnia kahnia kha Executive Body meeting CMO Dr.H. Lalchungnunga zy chhaota amo Medical lia a hriapazy chhao he meeting he hneipa a cha. He meeting liana heta ama hmo reipazy cha, Children Word Rakho-10 so awpa ta pachhua panohpa awpa zy hleikho ta Civil Hospital chata hmopeimawh hropazy chhao hlupi reipahmaopa a cha.

Tawhta a chatliena lata Sub-Center H/W training he pach-

-huapano hei awpa chhao reipa a cha.

@@ Tahma no he Siaha MIHP pachhua panohpa ta, Hocky Siaha District Play Ground lia a khai pachha khaipa liata Siahatka cha 1st chapa ta, College vaih ta 2nd ama la hra.

@@ Myla khi Puhpa CL.Ruala MP (Lok shabha) cha, Siaha kawtly aw. MP Siaha a khyna chha chaipa he Dt.10.9.10 pata Vigilance & Monitoring Committee peimawh kawpa hneikhei awpa ta a khy awpa ta reipa a cha.

@@ Zahnia kha SSA Exercise Book Truck-1 kawtlopa ta, he chabu he tako rai awpa ta pataosapa chatarawpa ta Chabu a taotuhpazy ama naino a so/ kawtlokhei hawtuhpa vata, chadi tlalalao ta rai awpa hawta biedaopa a cha.

Eyes Donation Forth night closing Siaha CMO Chamber lia hnei.

awsicharu — Sat, 11 Sep 2010 08:04:07 +0000

Zahnia kha CMO Official Chamber lia Eyes Donation Fort night closing programme hneipa a cha. He a khawna programme liana heta Macha Puzy awpakhypa ta, mo pie peimawhnazy reikheipa ta, Ko 60 khila lapazy deikua a pamosana ma cheikhaoleipa awh eita, a saipa ta ama mo awpa chocha zy a chho hleikho ta, mo piena chocha a siahlia kawpa nata nova hlava kawna taita ama chho pasia hra.

He daihti liana heta Dr.K.Rakhu chhaota Mo chocha liata a peimana nata pie tuhpa chana peimawhnazy reipasiana a hnei. Hleikho ta, Dr.Harris chhaota biereina a hnei hei hra.

Ayush Building Aizawl tawta mopasia

awsicharu — Sat, 11 Sep 2010 08:02:29 +0000

Zahnia eima biedaona liata Ayush Building thiepa, Siaha chata sahaipa eima ta awh tlyhma, Puhpa TT.Vakhu of Council vaih ta a sapa cha, Aizawl tawta kawmo pasiapa chata, he ama kawmo pasiana chhapa he, asana da liata ama palo tlalei vah hleikho ta OPD Building toh ngapachhapa ta a sa hleikho ta, a sie vaw nawpa nata he Building pangai nawpa sakha hmata y leipa ta, a sisawleipa liata a pahai bala thlapa vata a chapa ta reipa a cha.

He Building sana chocha liata CMO ta a reina liata Siaha chata Buiding sa awpa a chana nata sapa a chapa chhao sakha hmata a pahnokheilei zie a rei. He Building ama sana chocha liata Thohna o liata a hripazy ta ama palo a tla lei kawsaipa ta reipa nata biedaopa chhao chata, he building sana running bill chhao a la khai hawpa hawta biedaona ta a rei.

Music

awsicharu — Wed, 16 Sep 2009 05:13:25 +0000

SDDVC MEMBERS ZY”