Awsicharu thatih
Awsicharu he Date 1.9.09 ta papuapa chata, tahma he news papuana tawta ko 1 a tlona chhao a cha hra. Viasazy phana zawhzi ta a palaa kawpa ta siekhei lyama pa chhao a cha hra.
Tahma he Zawpi thokha chhao ta paso thai kawpa nata veisei kawpa ta, maniah a ma vaw dao lyma hra. He zy cho liata a lyna bie y sala, keimo awsicharu board zyta eima kho ngasa.
Rah hro lata Marasaw Sikul a kiapazy dua chhao ta, eima pho/reih do kawpa ta thatihbu papua thei awpa ta a y pa he maniah nama lykhei kawsai hra nahta pangiasa nata ei hnabeisei hra.
9 Responses “Awsicharu thatih” →
pacho.beita
01/09/2009
MTP Gen, Hqrs ta lykheina programme hma
Siaha the 1st Hriahei-noh:-Zahnia zala daw 3:00Pm liana khata, MTP Gen,Hqrs;Siaha ta, Ls Sanglaini Tawchhong of ECM vaih ta, The Hunt liata Top 9 (nine) a tlopa a lykheina programme MTP Office lia hneipa a cha.
He a lykheina programme hmana liata Puhpa T.Chatlua G/S ta biereina hneipa, he hawta The Hunt lia pua thei awpa ta Siaha District ta a hnei hrapa he a ly y a tahzie nata a rona a tahzie zy reipa ta, cha hleikho ta, Ls. Sangliani a sie lyma nawpa liata …a tao tuhpa Khazohpa a thei thla hana chota a sie awpa nata MTP Gen, Hqrs;Siaha ta a pala kawpa a sie lyma awpa ta khokheina a hla hra.
He a lykheina Programme hmana liata MTP Gen,Hqrs, MTP ECM Vaih, MTP Meisavaih, MHIP Old Siaha zy ta, hmo sai piena ama hnei hra. He Programme he MTP Gen, HQrs; Siaha President Puhpa B.Dawpho chhitana ry lia ta siekheipa a cha.
MNF chata sawkha rai pahy hno chaipa;
MNF nata India sawkha a ryna ama tao nota Mawra la a vawliepazy chata, sawkha rai Post 70 pahypa a cha. Assistance Post 2. UDC Post 4. LDC Post 18. nata Peon Post 46 zy he Mawra sawkha ta, MNF chata sawkha rai a pahy hno chaipa a cha awpa ta reipa a cha.
pacho.beita
01/09/2009
Opposition party ta bie a hnei hlu NLUP chocha lia ta;
Zahnia tlia liata Puhpa Zorammuana Secretary NLUP ta, DC’s Conference Hall liata NLUP siekhei nawpa chocha liata All NGO’s nata Official meeting hneina liata Puhpa Zorammuan biereipa chocha liata Opposition Party zyta bie nata hla ama hnei hlu kaw. Tahma he thatihbu thokha taw zy ta NLUP Secretary biereipa ama papuapazy cha, chakie pathlahpa ta, Central la ama paphaopa hawta biedaopa a cha.
pacho.beita
01/09/2009
MADC Plan phusa cha;
Biedaona liata District Council Plan Phusa cha, kawtlopa hawta reipa cha taraw ta, hmo a sia hlia leipa a ypa vata, tao pathi awpa ta Aizawl la a biepa tao pathi awpa ta paphaopa chata, a phusa deikua y thlapa ta biedaopa a cha.
pacho.beita
01/09/2009
I&PR Director pathliena hnei;
Zahnia kha I&PR Auditorium lia ta, I&PR Director Puhpa LR.Sailo Pension pathliena Programme ahmapa a cha. He pathliena progamme a hmana liata MJA Gen;Hqrs; Aizawl Vice President ta he programme he a chhi tha, MJA President Puhpa Sapdanga Editor Vanglaini ta, biereina hneita, Director a pua ha awpa chocha liata a I na zie nata Thatihbu chysazy nata ama pahlao phana zy a chyu siapa ta biereina a hnei. Puhpa LR.Sailo a thla tu awpa he tahma nota cha, Puhpa Jem Chozah he Director awpa ta reipa a cha.
pacho.beita
01/09/2009
NSV pachhuahpanoh Achaso Semi Final a thao aw;
Ta za tawna heta NSV pachhuahpanoh Achaso Semi Final cha pathaopa a cha hei aw. Live Telecast TV tawta piepa a cha hei hra aw
pacho.beita
01/09/2009
Swine Flu vata 100 rachho thi;
Tahma he India rah chho liata Swine Flu (H1N1 VIRUS) vata thipa he 100 tlai ama tlopa ta reipa chata, a veipa chhao he 200 daihma ama tlopa hawta reipa chhao a cha hra. Siaha District chho lia deikua vahnei chhikawpa Swine Flu vata pacha chhiepa kawpa ama y hrao maleipa ta biedaopa a cha.
pacho.beita
01/09/2009
CM zy chhao ta a tyu pakhy;
Zahnia kha Chief Minister. Puhpa Lal Thanhawla zy chhaota Non Laps table Pool Fund chocha a tyupakhyna liata CM ta, Project hma tlah awpa nata Project laipa tao ty awpa ta, rei ta, he Project tao chiepa zy he State chata a cha awpa vata hmatlah cha awpa nata zotlah cha awpa ta tao ty awpa a chana nata Project chhao a hlu theichaina hawta tao ty awpa CM ta, he a tyu pakhyna liata a rei.
pacho.beita
01/09/2009
LAD heta hmala via theipa chasala
Siaha khichho a pathai via theinawpa ta, LAD Department MADC heta hmala theipa chasala a pha kaw aw. Khichho a pualei tu haw noza a chhi kaw
pacho.beita
01/09/2009
North East chysa zy hri-iah pathainawpa chata pahy aw;
Tahma thlapa chho heta Pino Sonia Gandhi UPA Chairperson ta North East chysa zy hri-iah pathaina a ma hnei via theinawpa ta, Indhara Gandhi Regional Institute of Health Medical Censual cha pahyna a hnei aw.
Aizawl Taxi Association zy Mawra sawkha Order kholeina palasa;
Zako tawta Mawra sawkha ta, Aizawl Taxi zy he Service pahlie ty awpa ta, Order he papuapa chata, tahma ta Ministries thiepa chhao ta, a chadaipazi heipa ta, Aizawl Taxi he Service pahlie awpa ta, Taxi Association zy pahnosapa ta, Taxi Association zy ta kholeipa mosapa ta, Mawra sawkha liata chahna pangia, he ama chahna pangiapa he Mawra sawkha ta a py hlalei ta, a chhana taita ama chadai pazi lyma awpa ta reipa a cha.
Reileipa liata Hall hnei aw;
Zahnia kha chysa ngachhi kawpa tawta biedaona liata Siaha District Capital liata Hall pha kawpa nata noha y kawpa cha reileipa liata a chatliena lata y awpa hawta reipa a cha.